قصيدة إلى السيدة زينب(ع)

قصيدة السيدة زينب ( سلام الله عليها )

على حدودچ مدارس صفّن شهود ***** ويمْ باب العقيلة العفه تنقاس
ومن حيدر ورثتي الغيرة والجود ***** شجاعة داحي خيبر عندچ أحساس
هوه صبرچ لذلك مالچ حدود ***** وزينب بالشدد تلگاهه كالماس
منو الضعفت يگول ويحچي بي زود ***** نسه كافلهه ياهو؟ يدري عباس
نعم البيت أنتم واجب إيقود ***** فقط في آل أحمد يُرفع الراس
لمن شافت الجيش محشد حشود ***** ما هزاهه أبداً كثرت الناس
لان عرگ الهواشم بيهه موجود ***** المصايب لو توالت يمهه تنداس
عجيب اشگده خلگچ ماهو محدود ***** خلگ شجرة شكثر تتحمل الفاس
إنحنائچ باليسر مو من الجنود ***** لجل المي فقط لو دنج الطاس
يبت حيدر علي البزينه معهود ***** فضلكم عالخلايق ماله مقياس
باب من الكرم ما مره مسدود ***** حتى إعله الاعادي تفيضوا نوماس
ستر زينب الليل واكثر تزود ***** ما صدگ الحدهه ابنادم انحاس

( من كلماتي - محمد العلوي )

اللهم صل على محمد وال محمد وعجل فرجهم والعن عدوهم
عظم الله اجوركم واجورنا بمصاب سيد الشهداء سلام الله عليه
وبوركت اخي الغالي على ما سطرت اناملك من كلمات رائعة

اللهم صل على محمد وال محمد وعجل فرجهم والعن عدوهم

جزاك الله تعالى خيرا ووفقك دوما

مجهود نوراني مميز

بارك الله فيكم وجزاكم الله خيرا

احسنت اخي على هذه القصيدة وفقك الله للمزيد

شكرا على القصيدة الرائعة
موفق لكل خير