جديد لطميه لااستشهاد السيد الشهيد الصدر المقدس (قدس)

شهيد الجمعه

كلوبنه وياك ياصدرنه بلهفه جيناك
شلون ننساك يلفديت الوطن بدماك
*****************

ياابونه اولادك ونلتم عليك
واجب احنه ياصدر كلنه نجيك
افتح ابوابك حبيبي وحتى اديك
ضمنه يمك ياصدر نترجه بيك
الموت واراك ياشهيد الجمعه ننعاك
************

علمتنه انثور نتحده الظلم
شلت منه الخوف وانطيت العزم
حزب صدام البعث اصبح قزم
وكل مخطط غربي بيديك انهدم
امريكا تخشاك يا اسد الشيعي ناداك
****************


هسه محتاجين نستذكر دروس
الكعده يمك سيدي اطيب النفوس
تكتمل افكارنه بهذا الجلوس
تاج و مذهب صرت فوك الرؤؤس
يامحله طرواك ماثبت واحدنه لولاك
*****************
وين لمحمد بعد نلكه مثيل
خله واحدنه سبع ماضل ذليل
بهل الزياره والمدح منرد جميل
بوسط كلبي صورته واصبح خليل
الشعب يهواك ياصدرنه الباري علاك
*************
للشاعر
سعد محسن جايان
6/9/2013م
29/شوال 1434هجري