مـلائــكة العـذاب

رخيصة الـــروح صارت هاي الايام
ورواح البــــــــــــعض مرهونة بالمال
تعيش انته بكــــــثر ما عندك فلوس
وتموت بعجل من يضــــــعف الحال
امس جان الطبيـــب ايسألك شبيك
هسه اول سؤال اجيــــوبك اثكـــال
اذا هو الطبيب ايســـــــاوم النـاس
لا تعتب بعد عاليـــــخطف اطفــال
ابني بطن امـــــــــة وطلع مطــلوب
ومفصل علــــــــــيه العوز تفصـــال
اليكلك مــــــلاك الرحمة غلطــان
ملائـــــكة العــــذاب بذولة تنكال
واحــــــدهم جــــريمة تكله دكتــــور
كون ادكلـــــه تاجر صاحب اموال
على نوع المــــرض ضـــــلوا يقيمون
كلشي بسعر عـــدهم حتى الاطفال
البــنيه بسعر وبســـــــعر الاوليد
ولا جـــنه طبيب تكـــــــول بكال
مايتمنه تشفه بيــــــوم وطيـــــــب
بعد يتمــــــــــنه ترجع باني الامال
رغم هذا وبعضهم كتلة احساس
مثل حال الطيور انواع وشكال
اكو بيهم تحـــــــس يتمرض وياك
وكو ايــباوع عليك بعين الاهــمال
تره اليبني وطــــــن يحتاج الثنين
يحتاج الطبيـــــــــب ومرة عمال
وابد لا مو تهجم بس عتب هاذ
لئن بالـــــــــواقع الهم دور فعال

مصطفى الصدري

اللهم صل على محمد وال محمد وعجل فرجهم والعن عدوهم
لوحة رائعة تحاكي واقعنا المرير وبالخصوص هذه المهنة الانسانية
لأن البعض من الاطباء وللأسف الشديد أخذ يستغل هذه المهنة لمآربه الشخصية دون النظر لحال هذا الشعب المظلوم
نسال الله العلي القدير الهداية والصلاح للجميع
شكراً لك اخي المبدع مصطفى الصدري على هذه القصيدة المتميزة
اسال الله لك دوام التوفيق

قصيدة جميلة
وكلمات راائعة جداً
وفقك الله اخي المبدع. . .للمزيد

احسنت اخي المبدع والمتألق دائما
مصــــــــــــطفى الصـــــدري
وانت تسطر الكلمات بلوحة شعرية
وتترجم عمل الطبيب الذي اصبح تاجرا مع شديد الاسف

واحــــــدهم جــــريمة تكله دكتــــور
كون ادكلـــــه تاجر صاحب اموال

اصبت ايها الاخ المتجدد
يارحمة الباري
واجدت الوصف والتعليق