كوكـب الفــقره

يسألني البعض هم عدنه محتاج
اكو واحد تبات عياله جياع

لا تنكر سؤاله المثله معذور
الساكن زحل مايدري بالكاع

يدري الفقره باعت ماي العيون
عالمود الوجهه لا مايه ينباع

يالساكن زحل هم تدري شيصير
بسكان الارض من تقسي الاوضاع

نص روحه البعض باعاهه بالعوز
ونه الباقي بعد خايف يخسره

صلب كلب الفقير ايخوف الموت
بس العيد من يكبل يكسره

اكل عمر الفقير البيت الأيجار
وضن باجر يأجر حتى كبره

اضن لمن يموت ايدفنه الغراب
ويضل محتاج واحد سوره يقره

من باجر بعد مانسكن الكاع
رفضتنه الارض ونريد هجره

بالكت بالكواكب نلكه موجود
كوكب كون كله تسكنه فقره

كلمات مصطفى الصدري