أول شمــــــس

يا أول شمس ماردهه جف الليل
ويا أول قرار بكــــــلبي قررته
يزعل عالشمس بلكت يجيني الليل
حتى أحلم وشوفك شوفي علمته
أنه الساعة لقائك حظرتهه الروح
وحظرت أبتسامه ودمعي حظرته
انه بوكت النهار مكـــلف العينين
تنطرك والكلب باللــــيل كلفته
أنه العندي كلب ما ظاك حب بيوم
صايم بس الك مجـــبور فطرته
وبعدك ما فطر سديته باب الشوك
بس حبك جناه للمــــوت صومته
باجر من يريدك كلبي كلي شلون
فاتت هل مـــــسية بصورة قنعته
شوكي الحظرتك يا مقتدانه هواي
ويكف من أذكرك كلــــبي علمته
يوكف كلشي احس حتى النفس لحظات
اسمك من يمـــــرني ورحي شايلته
فقط لإبن الصـــــدر والغيره لا ممنوع
وره حبك ياســـــــيد كلبي قفــلته
ويالبحر شوكك خذاني بروج الفراك
بس وجهك نفس ينقذني لو شفته
محتاجك ياسيد حاجة العطشان
وقطرله بصورك كلبي عيشته
كلب الما يحبك نبض عنده شلون
لسان الما يذكرك شنهي سالفته
الك دولة عشك روحي وناسهه اشواك
وسمك علم صار وروحي رافعته
الك كل جمعة أحن ويزيد بيه الشوك
ورغم هذا البعد بس يمي احس انته
امانة الحب بالكلب ظمته الناس
بس انه كلبي بحــــبك أمــنته
أمانة وتختلف مشروطة بالمكلوب
بحيث اخسر أذا فد يوم رجعته
وقبلة شوكي انته وتعتنيك الروح
وانه بحبك بديت وعمري بسملته
بقانون الرسل كل مرسل إبعجاز
وحجة اعلى قومة اتصير موهبته
وعلى نفس النهج سوالك الله اعجاز
وسر القيادة ابن الصدر معجزته



الشاعر مصطفى الصدري

كلمات جميلة جداً
و من قلب صادق
وفقك الله اخي العزيز
(يا رحمة الباري)

جزاك الله (تعالى) خيرا ووفقك للمزيد

ويالبحر شوكك خذاني بروج الفراك
بس وجهك نفس ينقذني لو شفته
محتاجك ياسيد حاجة العطشان
وقطرله بصورك كلبي عيشته

اللهم صل على محمد وال محمد وعجل فرجهم والعن عدوهم
رائعة من رواع شاعرنا الغالي مصطفى الصدري يطل علينا بها ليسكّن من خلالها لهفة الاشتياق للقائد الحبيب
شكراً لك
واسال الله لك دوام التوفيق

الله الله على صدق المشاعر والاحاسيس
ايها الاخ الوفي المعطاء
يا رحمة الباري
كم هي كلماتك رائعة معبرة عن عشق كبير
يحمله قلبك النقي لقائدنا المفدى ايده الله بنصره
اصبت بكل كلمة نقشتها بين اضلاع القلب